Demanda
Proque Interlingua de 1951 non ha abite successo? Intertanto se ha developpate le Union Europee. Illo que non ha trovate continuation ha essite le absentia del voluntate o del capacitate de operar pro Interlingua.
IALA e illes que le guidava ha un pesante responsabilitate.
Initialmente Interlingua esseva usate como lingua scientific, ma post le morte de A. Gode e a causa del crescente dominantia in iste campo del Anglese Interlingua perdeva iste rolo.
RispondiEliminaIo pensa que anglese es le plus grande obstaculo pro interlingua. Gente son practic. Illes vole apprender un lingua international jam ben cognoscite e multo usate. Illes non crede in le possibilitates de linguas "inventate". Esperanto, in su tempore, falleva. Dunque gente pensa que omne linguas "create" fallera. (Sovente illes oblida in quante grado Interlingua es naturalistic.)
Se Interlingua habeva venite quando Esperanto veniva, o in vice de Esperanto, forsan hodie illo jocarea un plus grande rolo. A causa de su naturalitate Interlingua es plus facile a acceptar in comparation con Esperanto.
Forsan in le futuro, quando SUA perdera su influentia, Interlingua habera su chance. Ma probabilemente altere linguas dominara in plus grande grado: linguas como arabic, chinese, russe o espaniol.
Ma io spera que Interlingua supervivera pro un longe tempore. Pro facer isto, un cultura debe formar se: litteratura, poesia, cantos, theatro, pelliculas. Internet es un splendide instrumento pro diffunder cultura. Dunque, io pensa que internet es multo bon pro nostre lingua, e io crede in un futuro lucide pro illo.